UNEC Mühəndislik fakültəsinə qəbul DİM imtahanları ilə həyata keçirilir. Əcnəbi vətəndaşlar müsahibə əsasında qəbul oluna bilər.

Ali təhsil müəssisələrinə qəbul olmaq hüququna tam orta, orta ixtisas və ya ali təhsili başa vurmaq haqqında müvafiq dövlət nümunəli sənəd almış şəxslər malikdirlər.

Bakalavriat səviyyəsində təhsil dövlət sifarişi əsasında (dövlət büdcəsinin vəsaiti hesabına) və ya ödənişli əsaslarla həyata keçirilir. “Təhsil haqqında” Azərbaycan Respublikası Qanununun 5.4-cü maddəsinə  əsasən, dövlət ali təhsilin hər bir səviyyəsində təhsilalanların yalnız bir dəfə pulsuz təhsil almaq hüququnu təmin edir.

Ali təhsil müəssisələrinə tələbə qəbulu abituriyentlərin müvafiq tədris ilində biliyin qiymətləndirilməsi üzrə mərkəzləşdirilmiş qaydada iki mərhələdə keçirilən imtahanda (qəbul imtahanında) əldə etdikləri nəticələrə əsasən Azərbaycan Respublikasının Dövlət İmtahan Mərkəzi tərəfindən həyata keçirilir.

Qəbul imtahanlarını uğurla başa vurub universitetimizdə təhsil almaq hüququ qazanmış çağırışçı-tələbələr universitetdə qeydiyyatdan keçərək, universitetin tələb etdiyi sənədləri qəbul olduğu fakültəyə təqdim edirlər. Əyani fakültəyə qəbul olunan çağırışçı-tələbələrə hərbi xidmətdən möhlət hüququ verilir. Universitetin Hərbi və xüsusi şöbəsi tərəfindən 4 il müddətində onların  qeydiyyatda olduqları müvafiq qurumlara Forma-10 arayışı göndərilir.